Local News
Aanstelling van Kubaanse ingenieurs ’n skande – Solidariteit─── DANE BEISHEIM 17:53 Tue, 26 May 2015
Bloemfontein - Die onlangse aanstelling van 48 Kubaanse eerder as Suid-Afrikaanse ingenieurs om dienslewering in die Vrystaat te verbeter, is ? skande.
So sê die vakbond Solidariteit nadat die ANC dié ingenieurs by hul provinsiale kantore in Bloemfontein verwelkom het.
Dirk Groenewald, hoof van Solidariteit se Sentrum vir Billike Arbeidspraktyke, meen dat die ANC hierdeur die boodskap verkondig dat hul eerder aan buitelanders as aan hul eie mense werk verskaf en boonop Suid-Afrikaners se belastinggeld inspan om vir dié aanstellings te betaal.
Volgens Groenewald moet die blaam vir swak dienslewering op die staat se obsessie met ras en rasseverteenwoordiging val en nie omdat daar ’n tekort aan bevoegde, opgeleide werkers in die land is nie.
Dane Beisheim/OFM-nuus
