Local News
Vrou in kleinhoewe-aanval naby Brits gewond─── CHRISTAL-LIZE MULLER 16:37 Thu, 10 Sep 2015
Brits - Vier persone is steeds op vrye voet nadat hulle gisteraand ‘n vrou in ‘n aanval op ‘n kleinhoewe by Buffelsfontein naby Mooinooi in die Brits-gebied in die heup geskiet het
Noordwes-polisiewoordvoerder, Kealeboga Molale, sê die rowers het vermoedelik oor ‘n veiligheidsmuur gespring om toegang tot die erf te kry. Sy sê die vrou en twee ander gesinslede is oorval toe hul reggemaak het om buite die huis vleis te braai.
Molale sê sover bekend is twee skote afgevuur.
Molale sê die aanvallers het met die gesin se Toyota-bakkie op die vlug geslaan. Die verlate bakkie is later sowat 500 meter van die toneel gevind. Sy sê die polisie ondersoek ‘n klag van poging tot moord en huisbraak.
Volgens haar word die gewonde vrou in 'n hospitaal in die gebied behandel. Haar toestand is onbekend.
Molale sê dit is in dié stadium onduidelik wat presies gesteel is.
Die ondersoek duur voort.
Christal-Lize Muller/OFM-nuus
Kealeboga Molale: