Local News
NWU-werker in die pad gesteek vir beweerde bedrog─── DANE BEISHEIM 11:36 Thu, 08 Oct 2015
Potchefstroom - Die Nasionale Vervolgingsgesag (NVG) se batebeslagleggingseenheid in Noordwes het op 'n werknemer van die Noordwes-Universiteit (NWU) se eiendom van R11 miljoen beslag gelê.
Dit hou verband met beweerde bedrog by die universiteit en die organisasie Edu-Loan. Die amptenaar, wie se naam bekend is aan OFM-nuus, werk in die finansiële-afdeling van die Mahikeng-kampus.
Sy drie bankrekeninge, wat sowat R5 miljoen beloop, is deur die NVG bevries. Daar is ook beslag gelê op eiendom van net meer as R1 miljoen.
NWU-woordvoerder, Koos Degenaar, het intussen gesê die werknemer is na 'n interne dissiplinêre verhoor op 26 Junie geskors.
Dane Beisheim/OFM-nuus
