National
Onwettige mynwerker se liggaam gevind─── 06:16 Mon, 20 Oct 2014
Johannesburg - 'n Onwettige mynwerker wat ondergronds vasgekeer was se liggaam is Sondag in Selby, Johannesburg na die oppervlak gebring.
Robert Mulaudzi, woordvoerder van die Johannesburgse nooddienste, het gesê die man se liggaam is na 'n uitgebreide soektog gevind. Volgens Mulaudzi is die man se liggaam in 'n sloot gevind wat met klippe toegeval het.
Die man, in sy 30’s, se liggaam is op die toneel deur sy broer uitgeken. Volgens Mulaudzi was die man sedert Saterdag ondergronds vasgekeer in die ou mynhoop op die hoek van Webber- en Johnstraat.
Sapa
