National
Geen arrestasies na moord om boer van Mosselbaai─── 14:59 Thu, 18 Dec 2014
Mosselbaai - Die Wes-Kaapse polisie soek nog na ses mans in verband met die moord op 'n boer gister.
Polisiewoordvoerder, Malcom Pojie, sê klagte van moord en gewapende roof word ondersoek nadat die 54-jarige, Fedoras Tolman, naby Hartenbos in sy vragmotor doodgeskiet is.
Volgens Pojie was Tolman op pad om sy werkers te gaan haal toe 'n groep gewapende mans hom in 'n lokval op 'n grondpad naby sy plaas aangeval het. Die mans het die pad met 'n stuk hout versper. Tolman het egter nie gestop nie waarna die mans skote op hom gevuur het.
Pojie sê Tolman het beheer oor sy voertuig verloor, waarna hy deur die verdagtes geskiet is. Hulle het daarna 'n epgaar onderweg na Hartenbos se motor gekaap en gevlug. Die egpaar was ongedeerd. Die verlate voertuig is later gevind.
Sapa