National
Onnie klap glo kinders wat nie wil baklei─── 08:53 Fri, 27 Feb 2015
Durban - 'n Onderwyser van 'n hoërskool in Pinetown in KwaZulu-Natal gaan dissiplinêr aangekla word nadat hy glo twee leerlinge aangemoedig het om te baklei.
Isaac Luthuli, woordvoerder van die provinsiale departement van onderwys, het gesê hulle het Woensdag deur middel van die media van die beweerde voorval te wete gekom.
Isolezwe het gister berig dat 'n onderwyser by die Nilgiri sekondêre-skool glo twee gr. 11-leerlinge aangemoedig het om te baklei. Die leerlinge het geweier waarna hy hulle glo geklap het. Die voorval is op 'n selfoon verfilm.
Sapa
