Human Interest
Suid-Afrika meeste dollar-miljoenêrs in Afrika─── 12:11 Fri, 04 Sep 2015
Johannesburg - 'n Nuwe studie toon dat Suid-Afrika die meeste dollar-miljoenêrs in Afrika het.
Volgens die verslag van AfrAsia Bank en New World Wealth is daar net in Johannesburg alleen 23 400 dollar-miljoenêrs.
Dertig persent van die totale aantal miljoenêrs in Afrika woon in Suid-Afrika. Die tweede meeste miljoenêrs in Afrika woon in Egipte met 10 200 wat in Kaïro woonagtig is en Lagos in Nigerië het die derde grootste miljoenêr-inwonertal met 9 100 miljoenêrs.
Die studie beskryf miljoenêrs as mense met netto bates ter waarde van ten minste $1 miljoen dollar (of sowat R15 miljoen).
Volgens die studie woon 'n geskatte 163 000 miljoenêrs in Afrika. Die Afrika-stad met die vierde meeste miljoenêrs is Kaapstad met 8 900 en in die vyfde plek is Nairobi met 6 200.
BBC