World News
Pitt en Jolie haak uiteindelik die knoop deur─── 07:54 Fri, 29 Aug 2014
Hollywood - Twee van Hollywood se blinkste sterre, Brad Pitt and Angelina Jolie, is uiteindelik getroud.
Volgens 'n woordvoerder vir die paartjie het die 50-jarige Pitt en 39-jarige Jolie Saterdag in Frankryk die knoop deurgehaak. Die seremonie is in 'n klein kerkie in Chateau Miraval voltrek.
Volgens berigte was hulle kinders nou by die seremonie betrokke. Pitt en Jolie is reeds sedert 2005 in 'n verhouding kort nadat hulle saam die film Mr and Mrs Smith verfilm het. Dit is Jolie se derde huwelik en Pitt se tweede.
BBC
