Human Interest
Reddingspoging duur vier ure om ma-kat en kleintjies te red─── 07:20 Fri, 23 Sep 2016
Durban - Netcare 911-paramedici het vier ure lank gespook om 'n ma-kat en haar kleintjies uit 'n stormwaterpyp in Phoenix, Durban, te red.
Shaun Paul en Chris Quinton van die reddingsafdeling is na die toneel ontbied waar 'n ma-kat en haar kleintjies vasgekeer was.
Met hul aankoms het hulle gevind dat dit glad nie 'n eenvoudige taak sou wees nie, maar met reën wat vir later die dag voorspel is, is 'n spesiale tegniese span ontbied om met die reddingspoging te help.
'n Spesiale kamera is in die pyp laat sak om die katte op te spoor en daarna is pikke, grawe en 'n hoekslyper gebruik om die katte uit te kry.
Die ma-kat en haar kleintjies is almal veilig uitgehaal en aan 'n dankbare eienaar terugbesorg.
Nuusvrystelling