Local News
Man verskyn weens Smithfield-plaasmoord─── 05:45 Thu, 05 May 2016
File photo
Smithfield - 'n Man wat in hegtenis geneem is in verband met die beweerde moord op sy vriendin op 'n plaas naby Smithfield, sal na verwagting vandag weer in die plaaslike landdroshof verskyn.
Petrus Lempetjhe (28) het glo sy vriendin op die plaas Haasfontein naby Smithfield met 'n ysterpyp en houtpaal aangerand. Hy is enkele minute ná die voorval verlede naweek in hegtenis geneem.
Die 32-jarige slagoffer se tweejarige seuntjie was by haar toe haar lyk gevind is.
Vrystaatse polisiewoordvoerder, Yanga Ngcukana, het vroeër aan OFM-nuus gesê die saak is vroeër vir verdere ondersoek uitgestel.
OFM-nuus
