Off-Beat-News
Britse kriekettoeskouers gevra vir kurk-skietstilstand─── 10:54 Sun, 28 Aug 2016
Londen - Die Marylebone-krieketklub het toeskouers by die Lord's krieketovaal gevra om op te hou om hul sjampanjekurke na die krieketveld te skiet.
AFP berig dié Londense veld is die enigste internasionale ovaal waar toeskouers nog toegelaat word om hul eie drank te neem.
Deur die jare het dit tradisie geword om sjampanjebottels se kurkproppe na die veld te skiet wanneer toeskouers hul bottels opmaak.
Die gebruik is egter skadelik vir die spelers en toeskouers is gevra om die tradisie te staak of voortaan droëbek na wedstryde te kyk.
AFP