Off-Beat-News
Gewilde sepie môreaand wel op kassie─── 08:50 Sun, 23 Oct 2016
Johannesburg - Televisiesepie 7de Laan het weer ’n kontrak, maar Rapport berig daar is ’n Hlaudi Motsoeneng-donderwolk wat dreig om in Hillside los te bars.
SAUK-woordvoerder, Kaizer Kganyago, het gister aan die Sondagkoerant bevestig die kontrak, wat blykbaar R250 miljoen beloop, is uiteindelik afgehandel.
Akteurs en produksielede van 7de Laan het Donderdag paniekerig geraak toe die produksiehuis Danie Odendaal Produksies hulle waarsku dat hulle moontlik nie dié week betaal gaan word nie omdat die produksiehuis nie geld by die SAUK kan kry sonder ’n getekende kontrak nie.
Woordvoerder van die sepie, Rosa-Mari Erasmus, sê daar sal eers duidelikheid oor môreaand se episode wees ná die vergadering met die SAUK. ’n Afvaardiging van die SAUK, wat glo Motsoeneng insluit, wil die hele 7de Laan-span glo môreoggend onder oë neem.
