South Africa
28 uit boupuin in George gehaal, 47 word nog gesoek─── 15:33 Tue, 07 May 2024
“Noodpersoneel en rampdiensspanne van George, die Tuinroete, Kaapstad en Worcester het ook by die reddingsoperasie aangesluit.”
Die reddingsoperasie in die Suid-Kaap duur voort nadat ses mense reeds dood verklaar is op die toneel waar ’n onvoltooide woonstelblok in Victoriastraat, George, Maandag (6/5) ineengestort het.
Volgens George Herald is 28 mense tot dusver uit die puin gehaal en word daar nog na 47 mense gesoek. Die beseerdes is na hospitale dwarsoor die provinsie gestuur. Altesaam 75 bouers was op die toneel toe die ramp plaasgevind het.
Drie spanne reddingswerkers werk op drie verskillende gebiede binne die terrein van die ineengestorte gebou. Noodpersoneel en rampdiensspanne van George, die Tuinroete, Kaapstad en Worcester het ook by die reddingsoperasie aangesluit. Die polisie is teenwoordig op die terrein.
GEORGE UPDATE
— Athi Mtongana (@AthiMtongana) May 7, 2024
AUTHORITIES ARE TIGHT-LIPPED ABOUT THE IDENTITY AND DETAILS OF THE CONSTRUCTION COMPANY
The Western Cape government held a press briefing to provide an update about the rescue operation in #George, where a five-story apartment building that was under… pic.twitter.com/Am0CpaUPyL
Die reddingsoperasie is tans aan die gang met meer as 80 reddingspersoneel op die terrein.
Dr. Michele Gratz, George se munisipale bestuurder, het haar waardering uitgespreek vir die organisasies en individue wat kom help het. “Ons bedank ook alle vrywilligers vir hul tyd of die kos wat hulle aan die reddingswerkers aanbied.”
JUST IN: NeoTrend has officially been named as the developer in relation to the 5-story apartment building that collapsed on #George.
— Athi Mtongana (@AthiMtongana) May 7, 2024
Leon van Wyk, the Executive Mayor of George Municipality confirmed in a media briefing this afternoon.
This, as questions have been raised by… https://t.co/yM090F1IQX pic.twitter.com/3AoBVsifny
“Ons bid voortdurend vir die naasbestaandes, vriende en kollegas van diegene wat by hierdie tragedie betrokke is en dink aan hulle,” het sy gesê.
Die oorsaak van die gebou se ineenstorting is nog nie vasgestel nie. Nadat Wes-Kaapse provinsiale amptenare gesê het hulle kan nie die kontrakteur identifiseer wat verantwoordelik is nie, is die naam van die ontwikkelaars pas bekend gemaak, naamlik NeoTrend.
OFM Nuus mvh