Tyson Free
Free Time with Tyson Free
agri fokus
Johan Willemse gesels oor grondkwessie
Die landbou-ekonoom Johan Willemse sê die grondhervormingsdebat in Suid-Afrika en praatjies oor die instelling van grondplafonne strook nie met die wêreldtendens van tegnologie en ekonomie van skaal in boerderye nie. Die vraag hoe Suid-Afrika se miljoene stedelinge kos gegee gaan word, word ook onderspeel.
 
Dirk Kok/OFM-nuus 
 


Podcasts

Podcast
Johan Willemse
KGI hou Donderdag koringdag
Vrystaatse boere het min koring geplant en die nasionale oes gaan klein wees. Die LNR-Kleingraaninstituut by Bethlehem se Elri Burger sê juis hierom gaan die KGI  Donderdag (18 September) op sy jaarlikse koringdag daarop fokus dat daar steeds 'n plek vir koringboerdery is. Vanjaar se koringdag is ’n interaktiewe dag waarop boere vir ekonome, wetenskaplikes en ander kundiges hul kwelvra kan vra. Boere sal ook ingelig word oor die jongste koringnavorsing en –ontwikkeling. Elri het met Before Dawn oor die koringdagprogram gesels.
 
Dirk Kok/OFM-nuus
 
dirk@ofm.co.za 


Podcasts

Podcast
Elri Burger
Henk Vermeulen kap minister Nkwinti se plan oor grondplafonne
In die kringe van georganiseerde landbou word gesê grondsakeminister Gugile Nkwinti wou die pas afgelope grondberaad in Boksburg gebruik om 'n besluit oor die instelling van grondplafonne af te dwing.
 
Nkwinti het op die grondberaad 'n voorstel ter tafel gelê dat beperkings ingestel moet word op hoeveel grond van kleinboere tot groot kommersiële boere mag besit.
 
Die landbou-eenheidsforum Asuf se voorsitter, Japie Grobler, Agri SA asook Vrystaat Landbou sê daar is reeds in die verlede aan Nkwinti uitgewys dat grondplafonne onprakties en onwerkbaar is. VL se hoofbestuurder, Henk Vermeulen, het met Before Dawn hieroor gesels:


Podcasts

Podcast
'Boere gáán aan beeld moet werk'
Een van die grootste take wat boere het, is om die verkeerde beeld wat die meerderheid Suid-Afrikaners oor hulle het, te verander, het Theo de Jager, vise-president van Agri SA, vandeesweek op Agri-Noordwes gesê. Hy het gesê elke boer gaan hard moet werk sodat mense kan besef wie en wat die boere is wat met harde werk vir die land kos produseer.
 
Dirk/OFM-nuus
 

Podcasts

Podcast
Theo de Jager
Syngenta-gewasdeskundiges reis na boere
Gewasdeskundiges van Syngenta is sedert Woensdag op  ’n ses weke lange landwye toer en sal ook verskeie dorpe in OFM se luisteraarsgebied aandoen om hul kennis met mielie-sonneblom-, soja- en aartappelboere te deel.
 
Syngenta se Linda van der Merwe het met OFM-nuus gesels.
 
Agri-Noordwes hou kongres: Foto's
 
Weldoeners wat Noordwes se boere in verlede jaar se knellende droogte met voerskenkings en die vervoer van hulpvoer gehelp het, is op Agri-Noordwes se kongres bedank en vereer.  Van links is Carl Opperman van Agri-Wes-Kaap wat  ’n leidende rol gespeel het met die reël van voerskenkings en die aanry daarvan deur Transnet Freight Rail, Naudé Pienaar, onderhoofbestuurder van Agri-Noordwes wat saam met die hoofbestuurder, Boeta du Toit, deur Desember gewerk het om hulpvoer by boere te kry, Boetie Viljoen van Tau Milling op Leeudoringstad wat voer geskenk het, HP Smit, groenteboer van Komatipoort, wat baie voer geskenk en laat aanry het, en Albert Swart, van Transnet Freight Rail in Mpumalanga wat treine vir hulpvoer uit dié provinsie beskikbaar gestel het. Verskeie ander weldoeners is ook bedank en vereer. Agri-Noordwes se uitredende president, Cor Jansen van Vuuren, het gesê die hulp was enorm en dit is onmoontlik om te bereken hoeveel vee hierdeur gered is. 
 
 
 
Cor Jansen van Vuuren (regs) en Flip le Roux (links) het onderskeidelik as president en adjunk-president van Agri-Noordwes uitgetree. By hulle is Marlon Abrahams, die landboumaatskappy Senwes se nuwe kommunikasiebestuurder wat ook die kongres bygewoon het. Senwes was die hoofborg van die kongres wat van Dinsdag tot vanmiddag buite Rustenburg gehou is. 
 
 
 
Agri-Noordwes se nuwe president Pierre Vercueil (regs) en die nuwe vise-president Daan van der Merwe (links). Albei is bekende leierboere van Noordwes. By hulle is Boeta du Toit, Agri-Noordwes se hoofbestuurder. 
 
 
 
Noordwes se landbou-LUR, Manketsi Tlhape, het vandag op Agri-Noordwes se kongres buite Rustenburg haar steun aan dié landbou-organisasie en sy boerelede toegesê en nouer samewerking vir landbougroei in dié provinsie bepleit. Van links is Poncho Mokaila, hoof van Noordwes se landboudepartement,  Boeta du Toit, hoofbestuurder van Agri-Noordwes, LUR Tlhape en Agri-Noordwes se nuwe president, Pierre Vercueil. 
Watervoetspoornavorsing: Hoekom dit belangrik is
Watervoetspoornavorsing, om te help verseker daar word nie op plase en in die vervaardigingsproses van kos met water gemors nie, op die Kovsie-kampus deur die departement Landbou-ekonomie gedoen.
 
Vandag is ’n simposium met internasionale watervoetspoorkundiges en plaaslike wetenskaplikes op dié kampus gehou.
 
Die departement landbou-ekonomie se Henry Jordaan, wat die navorsing lei, het met OFM-nuus gesels.
 
Dirk Kok/OFM-nuus 
 
RPO-kongres: Agrrey Mahanjana vaar uit teen onstabiele politiek
Dirk Kok
 
Bloemfontein - Die produsente-organisasie vir opkomende rooivleisboere, Nerpo, en African Farmers' Association of South Africa (AFASA) se Agrrey Mahanjana het op die Rooivleisprodusente-organisasie se nasionale kongres in Bloemfontein uitgevaar teen onstabiele politiek en swak landboubeleid, wat volgens hom die doodsteek van boere en voedselsekuriteit kan wees.
 
Mahanjana het gesê dit is tyd vir kommersiële en opkomende kommersiële boere om ernstig hande te vat om met een stem met die regering te praat en beleid te beïnvloed. Luister hier na sy hele praatjie:
 
 
Toespraak: Brand Pretorius gesels op Vrystaat Landbou-kongres
Dirk Kok
 
Bloemfontein - Brand Pretorius, die man wat Toyota SA vir jare met groot sukses gelei het en daarna die McCarthy-motorgroep uit tegniese bankkrotskap bestuur het, het met boere op Vrystaat Landbou se kongres in Bloemfontein gesels oor die landbou, leierskap en die nodigheid van behoorlike en regverdige transformasie.
 
Aan die einde van sy praatjie het hy staande applous van kongresgangers ontvang.
 
Hier is sy volledige praatjie (44min):
 
 
Jaarlikse AMT-konferensie om die draai
Dirk Kok. - Op 30 September word die jaarlikse groot AMT-agrivooruitskouingskonferensie in die WNNR-konferensiesentrum in Pretoria gehou. AMT se Minda Bornman het op Before Dawn gesels.
Boere en belangstellendes wat hierdie konferensie wil bywoon, kan vir Minda by (012) 361-2748 bel of 'n e-pos stuur na minda@amtrends.co.za.
 
 
 

Podcasts

Podcast
Minda Bornman
First 1 2 3 4 5  ... Last