Dirk Kok - Ses weke ná die samesmelting van die landboumaatskappye Afgri en Senwes se kleinhandelondernemings is die naam en handelsmerk van die nuwe maatskappy gefinaliseer. Die nuwe maatskappy se naam is Hinterland.

Die handelsmerk-identiteite van Afgri Town and Country en Senwes Village word behou.

Frans du Plessis, besturende direkteur van Hinterland, sê hy en sy personeel is opgewonde om dié nuwe onderneming suksesvol in die platteland te posisioneer.

“Die samesmelting word baie positief ervaar deur al ons belanghebbendes. Ons prioriteit is om ons klante saam met ons trots te maak op hierdie nuwe mylpaal in die landbou en dit sal mettertyd gestalte vind in die waarde wat ons ons klante bied.”

(Afgri en Senwes het ’n gelyke belang in Hinterland.)


Frans du Plessis, besturende direkteur van die nuwe Hinterland.