Local News
Vrou (40) se lyk in Bloemfontein-gastehuis gevind─── CHRISTAL-LIZE MULLER 09:11 Thu, 12 Mar 2015
Bloemfontein - Die polisie in Bloemfontein ondersoek die moord op 'n 40-jarige vrou nadat haar erg ontbinde lyk gistermiddag onder 'n matras in 'n bed by 'n gastehuis in die stad gevind is.
Polisiewoordvoerder, Chaka Marope, sê die vrou is vermoedelik verwurg en ook verkrag.
Hy sê sy het die naweek saam met 'n man en 'n vrou met 'n 6-jarige kind by die gastehuis aangekom. Hulle het 'n kamer bespreek. Die man en vrou asook die kind het later Saterdagaand die gastehuis verlaat.
Volgens Marope het skoonmakers op die lyk afgekom.
Die polisie se ondersoek duur voort. Marope sê die vrou is vermoedelik van Bloemfontein.
Die vrou se naam is nog nie bekend gemaak nie.
Christal-Lize Muller/OFM-nuus
Chaka Marope:
