Agriculture
Oudboer van Zimbabwië stel boek van hoop bekend─── 16:07 Fri, 14 Nov 2014
Bloemfontein - Die oud-Zimbabwiese boer en prediker Henry Jackson, wat twee jaar gelede wêreldwyd bekend geword het vir die versoenende manier waarop hy opgetree het toe grondbesetters sy plaas afgeneem het en hy oor politiekery in die tronk gestop is, se boek, Another Farm in Africa, is vanoggend in Bloemfontein bekend gestel.
Jackson, wat deesdae in Bloemfontein woon en oor die land heen preek, sê hy het dié boek begin skryf nog voordat hy in Zimbabwe in die tronk gestop is en hy en sy vrou, Mandy, daarna met slegs twee tasse klere na Suid-Afrika moes vlug.
Die boek is nie net sy storie nie, maar van ander boere en van Afrika en hy wil mense bemoedig wat onseker en bang is oor die toekoms in Afrika.
Jackson sê hy is positief oor die pad vorentoe in Suid-Afrika en Zimbabwe. Die handjievol magshebbers in Zimbabwe gaan nie vir altyd kan voortgaan soos hulle voortgaan nie.
Jackson se boek is in boekwinkels te kry.
Dirk Kok/OFM-nuus
Henry Jackson:
