Die Boekklub klub is hier vir jou, om alleen by aan te sluit of saam met die lede van jou eie boekklub. Die potgooi se lede is afkomstig van die Audrey Muller Boekklub, en bestaan uit lede Nikki van der Linde, Maggie Erasmus, Lorinda van Niekerk, Margite Barrette, Nanette Mulder en Jani van der Merwe. Maar hoekom dan die Audrey Muller boekklub? Sy is nie gelys as een van die lede nie. Wel, dis eintlik ‘n lang storie, maar opgesom, was Audrey Muller ‘n liewe vriendin wat ‘n buurt bymekaar gebring het deur haar eie baie ‘casual’ boekklub te stig. Ongelukkig is Audrey gediagnoseer met brein kanker en is slegs ‘n maand na haar diagnose oorlede. Die boekklub is gestig ter nagedagtenis aan Audrey en wat sy vir haar vriendinne beteken het.