Hy gaan onder meer die verskeie hoofde en onderwysers in die gebied besoek en gesprek voer oor die onlangse aankondiging van die Premier, dr. Zamani Saul, rakende die omkeerstrategie vir die department. 

Jack sal ook Hoërskool Kakamas besoek om oplossings vir die probleme by die skool te probeer vind, nadat ‘n taakspan aangestel is by die streekskantoor van onderwys in Upington om probleme by skoll aan te spreek. 

Die LUR gaan na verwagting ook met leerders vergader om die slaagsyfers van die provinsie te bespreek waarna hy, volgens die media skakelbeampte, Geoffry van der Merwe, die provinsiale kabinet rondom sy besoek en die pad vorentoe gaan inlig.

OFM-nuus/Roderick Titus