Dit nadat polisiewoordvoerder, Vishnu Naidoo, aan OFM-nuus gesê het dat sy tans steeds 'n mediese ondersoek ondergaan by 'n plaaslike hospitaal in Gauteng. Amy-Leigh is vanoggend weer met haar familie herenig nadat sy gister uit haar ma se arms gegryp en ontvoer is. Vier mans het met haar in 'n wit Toyota Fortuner weggejaag. 

Dit het ook aan die lig gekom dat die ontvoerders ‘n losprys van R2 miljoen geëis het vir haar veilige terugkeer, maar Louise Horn, haar tannie, het aan TimesLive vertel die familie het nie die losprys betaal nie.

Volgens Naidoo ondersoek die polisie tans haar verdwyning sowel as haar skielike verskyning. Hy het ook 'n beroep op die publiek gedoen om toe te laat dat hierdie ondersoek sy verloop neem.

*Die spelling van Amy-Leigh se naam is aangepas nadat 'n familielid bevestig het dat die aanvanklike verslag van haar verdwyning, wat haar Amy-Lee noem, verkeerd is."

OFM-nuus/Elsabé Richard