Central SA
Talle ongelukke ná rugby aangemeld─── 11:49 Sun, 03 Nov 2019
Nadat Suid-Afrika as 2019 se rugbywêreldkampioene aangewys is, het Netcare 911 op sowat 112 ongelukke landwyd gereageer.
Dit is volgens Shawn Herbst, woordvoerder van Netcare 911, wat aan OFM-nuus gesê het dat die meeste van hierdie ongelukke in Gauteng plaasgevind het.
Intussen het 'n voertuig net 8 km vanaf Brandfort op die ZR Mahabane-pad omgeslaan en een persoon dood en drie ander met matige tot geringe beserings gelaat.
In 'n ander ongeluk op die R26 tussen Reitz en Bethlehem het 'n voertuig omgeslaan en twee mense is op die toneel dood verklaar.
Dit kom te midde van die Minister van Vervoer, Fikile Mbalula, se veldtog vir verkeersveiligheid vir die naderende feestyd waarin hy dronkbestuurders gewaarsku het dat hulle toegesluit sal word. Mbalula het dit ook duidelik gemaak dat verkeersbeamptes sigbaarder sal wees en dat alle bestuurders gestop en getoets sal word.
OFM-nuus/Elsabé Richard
