Central SA
Familie ken Keimoes-moordslagoffer se oorskot vandag uit─── 09:05 Tue, 10 Dec 2019
Die polisie in Keimoes in die Noord-Kaap het bevestig dat familielede 'n vrou - wie se liggaamsdele in 'n puttoilet by 'n woonhuis in die dorp gevind is - vandag sal uitken.
OFM-nuus se korrespondent, Roderick Titus, berig dat polisiewoordvoerder Mohale Ramatseba bevestig het dat die uitslag van 'n nadoodse ondersoek ook binnekort verwag kan word.
Ramatseba het verder 'n beroep op die publiek gedoen - veral diegene op sosiale media - om die familie van die oorledene in hierdie tyd te respekteer.
Daar is ook intussen 'n beroep op kalmte gedoen. Die polisie het bevestig dat 'n 25-jarige verdagte, wat vandeesweek in verband met die saak in hegtenis geneem is, vandag sy eerste verskyning in die hof op Keimoes sal maak.
OFM-nuus
