Williams sê kinderontvoerings, asook mensehandel, is 'n realiteit wat ernstige afmetings aanneem. Sy sê veral plattelandse gebiede word deur sindikate geteiken met werksgeleenthede wat onder valse voorwendsels aan veral jong meisies aangebied word. Hierdie waarskuwing kom nadat die regering aangekondig het dat alle skole vanaf vandag tot ná die paasfees gesluit sal wees.

Williams maan dat mense nie moet wegkyk wanneer hulle vreemde persone, en veral voertuie, in buurte en by winkelkomplekse opmerk nie.

Intussen het die polisie se Henry Faro ook gevra dat ouers ten alle tye bewus moet wees van hulle kinders se bewegings, asook met wie hulle omgaan en veral op sosiale media gesels.

OFM-nuus/Roderick Titus