Vosloo het ook bygevoeg dat die departement besig is met die opgradering en instandhouding van al vyf die kwarantyngeriewe in die provinsie - wat die Postmasburg hospitaal in die Tsantsabane munisipale streek insluit. 

Hy sê alle LURe in die Noord-Kaapse Uitvoerende Raad is regoor die provinsie ontplooi om seker te maak dat die voedselhulp inwoners bereik. 

Vosloo het ook bygevoeg dat die verspreiding van valse inligting rakende die coronavirus gestaak moet word aangesien dit onnodige vrees onder inwoners aanjaag.

Intussen het honderde inwoners van Rosedale in die provinsie op die gemeenskapsaal toegesak waar hulle probeer om hulle name op 'n lys te kry met die hoop om 'n kospakkie te ontvang. 

Vosloo het ook aangekondig dat kriteria in plek is en slegs mense wat kwalifiseer kospakkies gaan kry. Lede van die polisie en weermag monitor die situasie.

OFM-nuus/Roderick Titus