Nxazonke sê dit bring die aantal positiewe gevalle in die ZF Mgcawu-streek op twee te staan met sowat 100 000 inwoners wat gesif is. 

Hy sê die gedrag van inwoners rakende die toepassing van die maatreëls is kommerwekkend omdat mense nie gehoor gee aan die oproep van sosiale afstande nie, asook om tuis te bly. 

Die departement sê hulle gaan onverpoos voort met die veldtog om die coronavirus hok te slaan. 

Die getal aktiewe coronavirus-gevalle in die provinsie is veertien nadat sestien mense van die virus herstel het.

OFM-nuus/Roderick Titus