Central SA
#Covid19: SAPD betreur afsterwe van NK-bevelvoerder─── 09:00 Mon, 28 Sep 2020
Foto: Twitter
Die Suid-Afrikaanse Polisiediens (SAPD) in Upington in die Noord-Kaap betreur die afsterwe van brigadier Sampie Koopman wat gisteraand weens Covid-19-verwante komplikasies oorlede is.
Volgens inligting het Koopman asemhalingsprobleme ervaar en hy is van suurstof voorsien.
Koopman het as bevelvoerder vir die Upington-polisiestasie gedien en was onder andere die hoof van die ZF Mgcawu-sportraad.
Die boodskap oor sy afsterwe het soos 'n veldbrand op sosiale media versprei omdat hy 'n mense-mens was, soos Ronald Isaacs, voorsitter van die United Rugby-klub, hom beskryf het.
OFM-nuus/Roderick Titus
