Volgens 'n betroubare bron is die lid vroeër vanoggend dood aangetref nadat hy homself na bewering geskiet het. 

Die hoof van kommunikasie by die Rosedale polisiestasie, Gerhard Mouton, bevestig dié insident en voeg by dat 'n geregtelike doodsondersoek gedoen word. 

Hy sê verdere besonderhede sal later bekend gemaak word. 

Dit kom minder as twee weke nadat 'n polisiebeampte by die Nakop grenspos in die Noord-Kaap homself ook na bewering doodgeskiet het. 

OFM-nuus het vroeër berig die 26-jarige-lid het na die koppies naby die wooneenhede gegaan waar hy vermoedelik selfdood gepleeg het. Polisie woordvoerder, Sergio Kock, het aan OFM-nuus gesê 'n ondersoek na die presiese omstandighede rondom sy dood is van stapel gestuur.

OFM-nuus/Roderick Titus