Provinsiale polisiewoordvoerder, Motantsi Makhele, sê betogers het onder meer ‘n vragmotor aan die brand gesteek. Betogers kla oor swak dienslewering en eis onder meer die kop van die burgemeester, Frans Matsholo. 

Raadslede het gister tydens ‘n raadsvergadering gestem in ‘n mosie van wantroue teen Matsholo.

Matsholo het die aanslag oorleef toe die stemme teen die mosie met een stem in die meerderheid was. OFM-nuus het vroeër die speaker van die raad, Motshabinyana Raseu, vir kommentaar genader. 

Sy het gesê dat sy nou kalmte onder inwoners herstel en eers later op die situasie sal kan kommentaar lewer. DA-raadslid, Moshe Snyer, sê die mosie van wantroue volg op verskeie klagtes van swak dienslewering.

OFM-nuus