Volgens polisiewoordvoerder, Motantsi Makhele, is die man se liggaam Dinsdag deur ‘n voetganger op die R70-pad ontdek, Die polisie is daarvan ingelig.

Hy sê die man het twee steekwonde aan sy nek, sowel as ‘n wond aan die agterkant van sy kop opgedoen. Makhele verduidelik verder dat daar ontdek is dat die man nie op die toneel waar hy gevind is, vermoor is nie aangesien die T-hemp wat hy aangehad het, tot by sy nek opgetrek is en voertuigspore op die toneel gekry is.

Hy sê die oorledene was kaalvoet, het ‘n groen en goud T-hemp aangehad met 'n blou denimbroek.

Makhele voeg by dat ‘n saak van moord geregistreer is en moedig enigiemend aan met inligting oor dié moord, of wie die oorledene se familie is, om die polisie te kontak.

Konstabel Tshediso Sakoana van Ventersburg-speurdienste kan op 063 223 1696 gekontak word of Crime Stop by 08600 10111.

OFM-nuus