Central SA
Hoërskool Martin Oosthuizen vier 100 jaar─── 14:30 Tue, 03 Nov 2020
Die LUR van Onderwys in die Noord-Kaap, Zolile Monakali, is tans in Kakamas by die Hoërskool Martin Oosthuizen, waar die 100ste bestaansjaarviering van die skool vandag herdenk word.
Departementele woordvoerder, Geoffrey van der Merwe, sê 'n plegtigheidseremonie - tesame met die onthulling van 'n gedenkplaat - sou deur die LUR waargeneem word.
Daarna sou leerders 'n onderneming onderteken waarin hulle hul gereedheid vir die 2020 nasionale senior sertifikaat-eksamen bevestig.
Van der Merwe sê die streek is daartoe verbind om die slaagsyfer drasties te verbeter, en bied steeds ekstra klasse ter ondersteuning aan leerlinge regoor die Noord-Kaap.
OFM-nuus/Roderick Titus