Dit kom ná 'n grondstorting Dinsdag.

Tien mynwerkers is tydens die grondstorting vasgekeer. Die liggaam van een van twee vermiste mynwerkers is reeds vroeër gevind, nadat agt van die tien mynwerkers vroeër gered is. Die myn se Cristo Witbooi sê alles moontlik word gedoen om die laaste mynwerker op te spoor.

OFM-nuus het vroeër berig een van twee vermiste Noord-Kaapse myners se liggaam is ná 'n grondstorting vroeër vandeesweek gevind. Melvin Saal, wat 'n vrag-voorman was, is dood by die Vendatta Zinc Internasionale Groep se Gamsberg-sinkmyn naby Aggeneys in die Namakwa-distrik, waar 'n groot stuk van die sinkmyn se grond-muur op tien werkers geval het. Die algemene bestuurder by die myn, Pieter van Greunen, het Saal se dood aan OFM-nuus bevestig en Saal as 'n betroubare, hardwerkende man beskryf. Hy het ook sy medelye aan Saal se vrou en drie kinders oorgedra. 

OFM-nuus/Roderick Titus