Central SA
Myn werp alles in stryd om werker te vind─── 14:25 Tue, 24 Nov 2020
Gespesialiseerde toerusting, waaronder hommeltuie en elektromagnetiese toerusting, asook ‘n foto span van Kumba Iron Ore se Sishen-myn - is by die soek- en reddingspoging gevoeg om ‘n vermiste Noord-Kaapse mynwerker op te spoor.
Die mynwerker word reeds sedert Dinsdag vermis toe mynbedrywighede die oggend gestaak is ná 'n ongeluk by die Gamsberg-sinkmyn naby Pella in die Boesmanland.
Dit is volgens die myn - wat besit word deur Vendatta Zinc International - se woordvoerder, Cristo Witbooi.
Tien mynwerkers was aanvanklik weens ‘n grondstorting vasgekeer.
Die mynbestuur sê hulle doen alles moontlik om die laaste mynwerker op te spoor.
Dit volg nadat die liggaam van ‘n ander mynwerker vroeër gevind is.
OFM-nuus/Roderick Titus