Die polisie doen ‘n beroep op die publiek om enige inligting in verband met die voorval aan te meld. Indien iemand die bussie met die naam van die skool aan weerskante sien, met die registrasienommer DFK 322 FS, kan die naaste polisiekantoor in kennis gestel word.

Dit is die sewende geval van diefstal van ‘n Quantum-skoolbussie wat in die provinsie aangemeld is. OFM-nuus het vroeër berig dat die polisie ‘n waarskuwing uitgestuur het nadat altesaam ses soortgelyke voorvalle regoor die provinsie aangemeld is. Provinsiale polisiewoordvoerder, Motantsi Makhele, sê die diefstal is tussen Maart 2020 en vandeesmaand aangemeld. Die bussies is op die skole se persele gesteel waar hulle geparkeer was. Vyf van die bussies is intussen terruggevind.

Makhele sê enigiemand met inligting kan die naaste polisiekantoor skakel. Die bussies is by die volgende plekke gesteel:

• Ladybrand-kinderhuis
• Ladybrand Huis van Bejaardes
• Zastron-skool
• Clocolan-skool
• Harrismith-skool in Marquard
• Clocolan-hoërskool
• Louw Wepener-skool

OFM-nuus/Blaine Jones