Die departement het op 'n geskrewe vraag in die parlement gesê dat meer as 1 000 skole – met die meerderheid in dié twee provinsies – landswyd ingesluit is in die begroting vir infrastruktuur in die volgende boekjare om die dakke van meer as ‘n duisend klaskamers te vervang. 

Konstruksie by baie van die skole in die Vrystaat is geoormerk vir die  2021/22 boekjaar. 

Primêre en Hoërskole in drie provinsies verskyn op die lys, en net nege van die skole is in Limpopo geleë. Volgens die berekening van die departement gaan die projek oor die drie provinsies oor sowat vier boekjare strek. 

Dit is ook nog nie bekend hoeveel van die projekte wat vir die huidige boekjaar gelys was, voltooi is nie, nadat die Covid-19 nasionale inperking konstruksie vir verskeie maande gestaak het.

OFM-nuus