Provinsiale polisiewoordvoerder Masay Gamaldien sê die verdagtes, wat tussen 20 en 29 jaar oud is, sal na verwagting vanmiddag in die plaaslike landdroshof verskyn.

Gamaldien sê verder dat die polisie, ondanks die Covid-19 pandemie, sal voortgaan met die stryd teen dwelms.

Tik ter waarde van meer as R40 000 is in ‘n Toyota Yaris-voertuig gevind by 'n huis wat die polisie deursoek het. Die 20-jarige verdagte - die eienaar van die voertuig - is in hegtenis geneem waarna beslag op die voertuig gelê is.

Die polisie het twee ander verdagtes in die huis in hegtenis geneem nadat nóg tik in ‘n versteekte yogurt-houer gekry is.

OFM-nuus/Roderick Titus