Dit, nadat meer as 11 000 leerders nog nie by skole geplaas is nie. Volgens inligting sou kinders reeds in Desember geplaas wees, maar die aanlyn-stelsel wat die departement van stapel gestuur het, het volgens ouers nie voldoende gewerk nie.

Die departement se Geoffrey van der Merwe het intussen gevra dat ouers van leerders wat nog nie geplaas is nie, geduldig moet wees aangesien die departement alles moontlik doen om die vertraging aan te spreek.

Op die vraag oor presies hoeveel kinders reeds geplaas is en hoeveel nie, het Van der Merwe aangevoer dat die departement binnekort die syfers bekend sal maak, asook hul staat van gereedheid vir die 2021 akademiese jaar.

OFM-nuus/Roderick Titus