Die aankondiging volg nadat ontevrede ouers gekla het dat hulle kinders steeds nie in skole geplaas is nie, en dat die departement sy voete sleep terwyl die opening van skole nader kruip.

Departementele woordvoerder, Geoffrey van der Merwe, het intussen aangevoer dat 34 020 plasingsaanbiedinge gemaak is, waarvan 30 333 aanvaar was.

Hy voeg by die departement verwerk nou die uitstaande 3 687 aanbiedinge.

Hy sê die departement sal die aanvaarding en of weiering van die plasingsvoorstelle wat aan ouers gemaak gaan word, noukeurig monitor en ingryp waar nodig om te verseker dat kinders geplaas word.

Die departement sê dit doen alles moontlik om te verseker dat reëlings glad verloop in die aanloop tot die opening van skole op 15 Februarie.

OFM-nuus/Roderick Titus