Central SA
Onderwys probeer dooiepunt by NK-skool oplos─── 14:18 Fri, 23 Apr 2021
Die Departement van Onderwys in die Noord-Kaap se Geoffrey van der Merwe sê die skoolhoof van die Hoërskool Tlwahalang in Jan Kempdorp, sal by die huis bly totdat die departement die dooiepunt tussen die ouers en die skool kan besleg.
Die skoolhoof is vroeër deur ouers verhoed om die skoolterrein te betree.
Ouers het 'n memorandum op 13 April vanjaar aan die departement oorhandig, waarin hulle onder meer eis dat 'n nuwe hoof aangestel word. Van der Merwe sê die distrikskantoor in die Frances Baard-streek is in gesprek met ouers om die situasie by die skool op te los.
OFM-nuus/Roderick Titus
