Daar is 'n sterk polisieteenwoordigheid in die omgewing waar paaie met brandende bande en klippe versper is. 

Die situasie in Kimberley, asook Warrenton, is intussen kalm nadat inwoners sedert verlede week paaie ontoeganklik gemaak het. 

Die polisie se Openbare Orde-eenheid sê hulle hou tans die betogings in Prieska dop, te midde van gerugte dat dit later vandag na Colesberg kan oorspoel. 

OFM-nuus het vroeër berig die premier van die Noord-Kaap, Zamani Saul, het tydens Vryheidsdagvieringe inwoners gevra om sy administrasie kans te gee om die diensleweringskwessies aan te spreek. 

Intussen is motoriste in die Prieska-omgewing gevra om versigtig te wees.

OFM-nuus/Roderick Titus