Manopole sê stropers floreer in die provinsie omdat markte geskep is vir die handel in bedreigde spesies, en dat die polisie se optrede 'n massiewe rol teen onwettige handel speel.

Sy voeg by die fokus van haar Departement is bewusmaking in veral die onwettige handel in ietermago-skubbe asook Namakwa- en Kalahari-plantspesies.

Manopole sê die Kalahari Wildlife Project sal fokus op die rehabilitasie en beskerming van ietermago’s in die natuur, terwyl gesamentlike pogings aangewend gaan word om dit teen stropers te beskerm.

Die polisie het reeds talle verdagtes in hegtenis geneem en suksesvol vervolg. Woordvoerder vir die Departement, Zandisile Luphahla, sê inwoners se rol in die bewaring van die natuur speel 'n belangrike rol.

OFM-nuus/Roderick Titus