Anso Vorster, verkoopsbestuurder van Volvo Bloemfontein, sê sy is vreeslik gelukkig oor hoe die gemeenskap bymekaar gekom het. Vorster sé vandag maak hulle al die skenkings bymekaar en hulle behoort die trok al reeds te begin laai. Een Interlink-dubbeltrok met drie voertuie en sleepwaens wat vol bokse gepak is, gaan deur Durban toe, sê Vorster.

Sy sê 38 tot 40 kratte se donasies is ingesamel. Die fokus van die inisiatief is om met die tekort aan kos en basiese voorrade vir volwassenes en babas in KwaZulu-Natal te help. Vorster sê nie-bederfbare produkte gaan afgelaai word, soos langlewemelk, babaformule, meel, doeke, en troeteldierkos.

“Vir my gaan dit letterlik van ons af om net ons harte oop te maak en vir hierde mense te gee wat ons as vanselfsprekend aanvaar hier in Bloemfontein, dit was die hoofdoel. Klein goed soos hondekos, daai klein bietjie gaan vir soveel huisgesinne ‘n groot verskil maak,” sê Vorster.

 “Dit het op my hart gekom om vir die mense net te help. Ek’t ‘n Facebook-post en ‘n Instragram-post gemaak en hierdie ding het letterlik ontplof in ‘n crazy ding. Dit was op my hart en om hierdie mense te help, dit is so amazing om te kan teruggee,” sê Vorster.

OFM-nuus/Blaine Jones