Central SA
#CoronavirusNW: NWU bied Covid-19 inentings aan die publiek─── DANE BEISHEIM 09:15 Sat, 14 Aug 2021
Die Noordwes-Universiteit (NWU) nooi weer eens die publiek uit om hierdie naweek van die instansie se koronavirus (Covid-19) inentingsgeriewe gebruik te maak.
Luidens NWU-woordvoerder, Bertie Jacobs, het nagenoeg 10 000 mense reeds hul inentings teen die virus by die universiteit se Mahikeng-en Potchefstroom-kampusse ontvang.
Jacobs sê die diens is vinnig, veilig en gratis. Dit is die Johnson&Johnson-inenting wat toegedien word.
Persone kan die Mahikeng-kampus Saterdag van 8:00 tot 16:00 besoek, en die Potchefstroom-kampus Saterdag en Sondag – ook tussen 8:00 en 16:00.
‘n ID-dokument sowel as bewys van registrasie vir die inenting word benodig.
“Daar is uiters bekwame personeel beskikbaar om jou deur die proses te help,” sê Jacobs.
OFM-nuus
