Central SA
Kimberley-dokters herstel goed ná aanval in hospitaal─── 09:30 Sun, 19 Sep 2021
Foto geneem deur Elsabé Richard (OFM-nuus)
Twee mediese dokters van die Robert Mangaliso Sobukwe-hospitaal in Kimberley in die Noord-Kaap herstel goed ná 'n aanval deur 'n pasiënt wat vermoedelik 'n dwelmverslaafde is.
Die twee vroulike dokters het steekwonde opgedoen tydens die aanval.
Die Departement van Gesondheid sê die veiligheid van hospitaalpersoneel sal hersien word terwyl ondersoek gelas word na die voorval.
Die departement se waarnemende hoof, Riaan Strydom, het vroeg Saterdagoggend die hospitaal besoek ná die voorval Vrydagaand.
OFM-nuus/Roderick Titus
