Die verdagtes - 13 mans en 4 vroue - is volgens polisiewoordvoerder Mashay Gamaldien gesoek ná bewerings van aanranding met die opset om ernstig te beseer, asook diefstal vanuit motorvoertuie, huisbraak en diefstal. 

Gamaldien sê 'n gesamentlike operasie is vroeg Vrydagoggend van stapel gestuur deur die Suid-Afrikaanse Polisiediens, wat tot die inhegtenisnames gelei het. 

Die verdagtes gaan in aanhouding bly tot Maandag, wanneer hulle na verwagting in die hof gaan verskyn.

OFM-nuus/Roderick Titus