Central SA
Vier verskyn in hof vir kabeldiefstal─── BLAINE JONES 13:40 Fri, 26 Nov 2021
Die saak teen vier verdagtes wat op aanklagte van beweerde koperdiefstal in hegtenis geneem is, sal vandag in die Landdroshof in Brandfort begin.
Vrystaatse polisiewoordvoerder, Stephen Thakeng, sê koperkabel ter waarde van R45 000 is in die besit van die verdagtes, wat aan die Masilonyana-munisipaliteit behoort, gevind.
Die vier verdagtes van 27, 38, 47 en 57 jaar oud is gisteroggend in die vroeë oggendure in hegtenis geneem.
Een van die mans werk glo vir die munisipaliteit.
OFM-nuus