Die woordvoerder van die Valke in die Vrystaat, Christopher Singo, sê Mosebetsi Mofokeng is van bedrog aangekla, en is vroeër hierdie week skuldig bevind.

Mofokeng het van 2013 tot 2014 by die Nketoane-munisipaliteit as 'n regsverteenwoordiger vir die munisipaliteit gewerk. Hy was verantwoordelik vir die advisering van die burgemeester, sowel as werknemers, met regsaspekte.

Hy het ook vir sy eie voordeel kliënte in die strafhof verteenwoordig. Toe die munisipaliteit hom versoek het om sy kwalifikasie te toon, het hy egter bedank. Die saak is toe by die Valke aangemeld vir verdere ondersoek.

Mofokeng is in 2018 aangekla. Hy het by verskeie geleenthede in die hof verskyn tot sy onlangse skuldigbevinding.

OFM-nuus