So sê die woordvoerder van die Noord-Kaapse onderwysdepartement, Geoffrey van der Merwe. In 'n verklaring wat deur die departement uitgereik is, het Van der Merwe alle skoolhoofde, skoolbestuurspanne en veral die eksamen-eenhede regoor die provinsie bedank vir hul toewyding en die wyse waarop hulle die NSS-eksamens geadministreer het - vry van enige onreëlmatighede.

Die departement die volgende fase van die NSS-eksamen betree, waar alle antwoordstelle gemerk sal word.

Die departement het vier nasiensentrums geïdentifiseer om voorsiening te maak vir die 1 289 personeellede. Die nasiensentrums maak op 10 Desember 2021 oop en antwoordstelle en vraestelle sal by nasiensentrums afgelewer word. Die vaslegging van punte sal tot 22 Desember 2021 plaasvind. Die Nasionale Minister van Basiese Onderwys sal op 20 Januarie 2022 'n perskonferensie hou om die nasionale resultate vry te stel. Die Noord-Kaap sal sy provinsiale uitslae op 21 Januarie 2022 bekend maak, wat gevolg sal word deur die matriektoekennings.

" 'n Deeglike proses is gedoen om gehalte-nasienwerk te verseker," sê Van der Merwe. Die nasienpersoneel is soos volg aangestel:

· 778 Nasieners

· 165 Senior-nasieners

· 81 Hoof-nasieners

· 22 Adjunk-nasieners

· 81 Interne nasieners

· 4 Sentrumbestuurders

· 8 Adjunksentrumbestuurders

· 150 Eksamen-assistente

OFM-nuus