Central SA
Noord-Kaap: Vrou vermoor gevind─── 06:14 Thu, 09 Dec 2021
Die Noord-Kaapse polisie in Rosedale, Upington, ondersoek die dood van ‘n vrou wie se liggaam deur bure in die Bellevue woonbuurt gevind is.
Polisiewoordvoerder, Sergio Kock, sê die 32-jarige vrou het sigbare beserings aan haar liggaam gehad.
Die presiese oorsaak van haar dood sal deur ‘n nadoodse ondersoek bepaal word.
Kock sê vroue moet beskerm word, veral tydens die herdenking van die 16 Dae Veldtog teen geweld teenoor vroue en kinders.
OFM-nuus/Roderick Titus
