Christopher Singo, woordvoerder van die Valke, sê die voormalige finansiële hoof, Xolani Malindi (34), het Woensdag 8 Desember 2021 voor die Reitz-landdroshof verskyn op aanklagte van bedrog. Daar word beweer dat 'n vakante pos vir die munisipale bestuurder in Junie 2020 by die Nketoane Plaaslike Munisipaliteit geadverteer is.

Malindi het sy aansoek vir die pos ingedien. Daar is tydens die opstel van die kortlys ontdek dat die kwalifikasie wat aan sy aansoek aageheg het, waarskynlik bedrieglik is. Die saak is toe by die Valke in Bloemfontein aangemeld. Singo sê Malindi is Woensdag 8 Desember 2021 in hegtenis geneem.

OFM-nuus