Die Departement van Gemeenskapsveiligheid en Vervoerbestuur in Noordwes sê drie kinders en twee volwassenes, insluitend die bestuurder, is op die toneel dood verklaar, terwyl een kind na die Koster-hospitaal vervoer is vir mediese behandeling.

Die LUR vir die departement, Sello Lehari, het sy medelye uitgespreek na nuus van die ongeluk

Lehari het verder met padgebruikers gepleit om versigtig te wees. Hy sê om in die reën te ry kan baie gevaarlik wees. Hy doen ook 'n beroep op alle bestuurders om oplettend te wees wanneer hulle bestuur, nie net in die reën nie, maar ten alle tye. Hy voeg by wanneer jy op die pad is, jy nie net vir eie veiligheid verantwoordelik is nie, maar ook vir diegene wat dieselfde pad gebruik.

OFM-nuus